Hvers vegna er fátæktin svo mikil í Kenýa?

Kenýa er eitt af fátækustu löndum heimsins, þó hagvöxtur hafi aukist mikið, þá nýtur stór hluti fólksins ekki  góðs af því. Hluti af landinu er að leggjast undir eyðimörkina sem breikkar um 2-300m metra á hverju ári.  Á þeim svæðum býr fátækast fólk heimsins. Fólk sem lifir við hungur ef regntíminn kemur of seint.

70% eru atvinnulausir, meðalaldurinn er um 17 ár og meðallífslengd um 40 ár. Konur og börn eru í miklum meirihluta. Eiginmennirnir fara oft til borgarinnar í atvinnuleit, en oft mistekst það og í stað þess að snúa tilbaka með skömmina, reyna þeir að hefja nýtt líf, oft með nýja eiginkonu og fleiri börnum.

 

 

 

Atvinnutækifærin eru engin þar sem fyrirtækjarekstur er ekki til staðar.  Flestir eru bændur en þar sem enginn skógur er og ekkert sem bindur jarðveginn, er rigninginn loksins þegar hún kemur, oft óvinurinn sem sópar burtu ræktuninni. Ekkert skjól er fyrir sterkri sólinni og enginn raki frá öðrum jurtum.

 

Eina leiðin er oft að rækta eitthvað sem vex svo fljótt að uppskeran næst áður en þurrkatíminn byrjar. Um 40% af uppskerunni eyðilegst þó og þá eru fá úrræði önnur en framleiða kol úr þeim fáu trjáhríslur sem fólk finnur og selja við þjóðveginn. Fólk veit hvaða afleiðingar það hefur fyrir framtíða ræktun, en eru börnin svöng og valmöguleikarnir ekki aðrir.

 

 

Vatnsskorturinn er gífulegur.  Á 60 ferkílometra svæði ( 20x30 km)var bara ein vatnsbúð. Fólk kom gangandi snemma á morgnanna og beið oft fleiri klukkustundir í biðröð. Vatnsgæðin eru góð, en vatnið dýrt.

 

 

 

 

Þeir sem ekki hafa ráð á að kaupa vatn, geta farið að ánni og náð í vatn, en hún þurrkast upp 2-3 dögum eftir að regntímanum líkur. Það er þó möguleiki að grafa holu á botninum  og ná sér í vatn þar. Vatnið er ókeypis, en gæðin léleg. Það er bæði salt og skítugt.

 

 

 

Eg smakkaði á þessu vatni og varð ekki veik. Ég veit þó ekki hvernig við hér á vesturlöndum gætum notað þetta vatn.

Fá börn hafa möguleika til að ganga í skóla. Það er yfirleitt þeirra verkefni að ná í vatn, hjálpa til við framfleyslu heimilisins og oft eru engir skólar í nágreninu.

 

Fleiri miljarðar USD koma inn í landið á ári í formi þróunarhjálpar. Auðvitað eru mörg dæmi þess að þessir fjármunir komi að notum, en það er algengara að þeir lendi í vösum ríkra embættismanna. Í Kenýa eru fleiri skólar reknir fyrir gjafafé, skólar sem aldrei hafa verið byggðir, hafa enga kennara né nemendur.  Fyrir utan að landið er að leggjast undir eyðimörkina, er spillingin sennilega ástæðan fyrir því að fátæktin er svo mikil.